Би Монгол Хүн хүүхдийн хүрээ/ зуслан

Манайх 2015 онд үүсэн байгуулагдаж, 11 дэх жилдээ Монгол хүүхдүүд Монгол улсдаа, монгол ахуйдаа, монгол гэртээ монгол өв соёлоосоо суралцах боломжийг олгосон МОНГОЛ УЛСЫН ХАМГИЙН АНХНЫ НҮҮДЛИЙН СОЁЛЫН ЗУСЛАН билээ.

Мөн бид Монголын Үндэсний Зуслангийн холбооны гишүүн, Олон Улсын Зуслангийн холбоо ICF-ын гишүүн байгууллага билээ.

Бидний хамгийн гол ялгарал бол ХҮМҮҮНШИХҮЙН ЦОГЦ ХӨТӨЛБӨР:

1. НҮҮДЭЛЛЭХҮЙ ХӨТӨЛБӨР
Морь унах, үнээ саах, өрөм загсаах, тараг бүрэх, ааруул хийх, аргал түүх, гэр барих зэрэг нүүдлийн соёлоосоо суралцана.

2. ХАЙРЛАХУЙ ХӨТӨЛБӨР
Өөрийгөө болон бусдыг, ахуй соёл, байгалиа хайрлан, зохицон амьдрах ухаанд суралцах ХАЙРЫН ДАДАЛ хэрэгжүүлж, art therapy буюу урлагийн сэтгэл засал, mindfulness буюу одоо цагт төвлөрөх бүтээлч хөтөлбөрт хамрагддаг.

3. БАХАРХАХУЙ ХӨТӨЛБӨР
Бий биелгээ, ардын дуу, нум сум, бийрэн бичлэг, үлгэр, домог, түүх зэрэг Монголчуудын бахархлаас суралцана.

4. УРЛАХУЙ ХӨТӨЛБӨР
Оёдол, мод, арьс, эсгий, лаа, саван, баримал зэрэг ээлж бүр дээр өөр өөр гар урлалын бүтээл хийнэ.

5. НААДАХУЙ ХӨТӨЛБӨР
Хөлөгт, шагай, хөдөлгөөнт, аман зэрэг үндэсний тоглоом наадхай болон орчин үеийн хөгжөөнт, уралдаант тэмцээн уралдаан, галын наадам зохион байгуулдаг.

Эдгээр 5 хөтөлбөрийн дагуу хүүхдүүд маань яг л нүүдэлчид шиг байгальтайгаа ойр, Монгол гэрт амьдарч, бие даах, дасан зохицох, багаар ажиллах, бусдын оронд өөрийгөө тавих /empathy/, бэрхшээлийг даван туулах зэрэг нийгмийн ур чадвар, амьд үлдэх чадвар нь өсөж, өөрийнхөө, гэр бүлийнхээ, байгаль эх дэлхийнхээ, ахуй, соёлынхоо үнэ цэнийг мэдэрдэг билээ.

ОРЧИН НӨХЦӨЛ:

• Цэвэр агаар, эрүүл хөрс, ой мод, уулс бүхий Горхи- Тэрэлжийн үзэсгэлэнт байгаль

• Монгол гэр, адуу, үхэр, малын хороо бүхий нүүдлийн соёл бүрдүүлсэн орчин

• Боловсон ариун цэврийн байгууламж, тоглоомын талбай, сүүдрэвч бүхий эрүүл, эко орчин

• Цагаан идээ, өдрийн 6 удаагийн эрүүл хооллолттой

• Гар утас, амттан хэрэглүүлэхгүй

• 24 цагийн камер, харуул хамгаалалт

• Мэргэжлийн сэтгэл зүйч, эмч, багш, асрагч нар

• Манай гэрүүд 1 болон 2 хүний ортой тул 1 гэрт 6-8 хүүхэд байрлана.

• Зуны улиралд 5-14 хоногийн хугацаанд амраадаг бөгөөд 1 ээлжиндээ 50-65 хүүхэд хүлээн авна.

• Бусад улиралд сурагчдын амралтаар 5-7 хоног 30 хүртэлх хүүхэд хүлээн авах боломжтой.
  
  Монгол ахуй бол орчин үеийн хүүхдүүдэд тав тухтай бүсээсээ гарч, тав тухгүй бүсийг тав тухтай болтол дасан зохицох, бие даах, бэрхшээлийг даван туулах, бусдыг ойлгох, багаар ажиллах, өөрийгөө ялах ШИНЭ СОРИЛТ, ШИНЭ АМЖИЛТ дагуулагч орчин юм.
  
  Тэдний “ГОЁ” гэх үнэлэмж ямар ч амттангүй, ямар ч түргэн хоолгүй, ямар ч гар утас, ухаалаг тоглоом, сошиалгүйгээр өөрчлөгдөх нь ХАМГИЙН ГАЙХАЛТАЙ ҮР ДҮН.