Хаагдсан6-18 нас1-р ээлж: Бяцхан Монгол
06.14 — 06.19·5 хоног
- Өв соёлоо таньж
425,000₮
Галакси хүүхдийн зуслан
Улаанбаатарт хот, Баянзүрх дүүрэг, Гачуурт, Баяндөхөмийн ам
5.0
Нийслэлийн 3 удаагийн шилдэг, 2 удаагийн "Хүүхдэд ээлтэй зуслан" , 2 удаагийн "Шилдэг хөрөнгө оруулалттай зуслан", "Шилдэг менежменттэй зуслан".
Англи хэлний болон ээлж тус бүрийн тусгай сургалттай
Утас99026644
FacebookГалакси хүүхдийн зуслан
Ээлжийн хуваарь
Хаагдсан6-18 нас
Хаагдсан6-18 нас2-р ээлж: Бяцхан Эйнштэйн - Мини лаб 2.0
06.19 — 06.24·5 хоног
- Шинжлэх ухаан бидний төсөөлснөөс ч илүү сонирхолтой, бас энгийн
425,000₮
Хаагдсан6-18 нас3-р ээлж: Галаксигаар аялцгаая!
06.24 — 06.29·5 хоног
- Мөрөөдлийнхөө ертөнцөөр аялцгаая!
425,000₮
Хаагдсан6-18 нас4-р ээлж: Хөдөлмөр зуслан 2.0
06.29 — 07.04·5 хоног
- Хөдөлмөрийн амтыг
425,000₮
Хаагдсан6-18 нас5-р ээлж: Их мастеруудын эрэлд
07.04 — 07.09·5 хоног
- Монгол Улсын шатрын 2024-2026 оны аварга "Босоо Ноён" клубтэй хамтран зохион байгуулж буй шатрын мэргэжлийн сургалттай ээлж
425,000₮
6-18 нас6-р ээлж: Be the Champ
07.19 — 07.26·7 хоног
- Волейболын мэргэжлийн сургалтыг зуслангийн сонирхолтой хөтөлбөртэй хослуулбал саак биш гэж үү?
595,000₮
6-18 нас7-р ээлж: Шөнийн шар шувуу - Аниргүй шөнийн нууц
07.26 — 08.02·7 хоног
- Шөнийн фестивал, харанхуйн мөрдөгчид, түүдэг галын дэргэдэх отог
595,000₮
6-18 нас8-р ээлж: Road to Stars
08.02 — 08.09·7 хоног
- Stars Academy-тай хамтран зохион байгуулна. Бие бялдрын болон сэтгэлзүйн бэлтгэл, тактик болон тоглолтын ойлголтыг зуслангийн хөгжилтэй хөтөлбөрөөр сурцгаая!
595,000₮
6-18 нас9-р ээлж: Gala Fest
08.09 — 08.14·5 хоног
- Орой бүрийн тайзыг
500,000₮
6-18 нас10-р ээлж: Goodbye Summer
08.14 — 08.17·3 хоног
- Дахин нэг удаа хамтдаа!
300,000₮
Захирлын мэндчилгээ
Г.Энх-Амар
Гүйцэтгэх захирал
Манай хүүхдийн зуслан нь хүүхэд бүрийн аюулгүй байдал, эрүүл мэнд, хөгжил, эрхийг дээдлэн, чанартай үйлчилгээ үзүүлэхийг эрхэм зорилгоо болгон ажилладаг. Бид хүүхэд бүрийг байгальд ойр, эрүүл, аюулгүй орчинд амарч, суралцаж, шинэ найз нөхөдтэй болж, бие даах чадвар, хамтын ажиллагаа, бүтээлч сэтгэлгээгээ хөгжүүлэх боломжийг бүрдүүлэхийн төлөө тасралтгүй хичээн ажиллаж байна.
Манай хамт олон чанарын удирдлагыг үйл ажиллагааныхаа үндэс болгон хэрэгжүүлж, MNS 5633:2023 “Хүүхдийн зуслангийн үйлчилгээ. Ерөнхий шаардлага” стандартыг нэвтрүүлсэн Монгол Улсын хамгийн анхны хүүхдийн зуслан болсноороо бахархдаг. Энэхүү амжилт нь бидний хүүхэд төвтэй, чанартай, аюулгүй үйлчилгээ үзүүлэх тууштай зорилтын илэрхийлэл юм.
Бид хүүхдийн эрх, аюулгүй байдал, эрүүл ахуй, үйлчилгээний чанарыг нэн тэргүүнд тавьж, хууль тогтоомж, стандартын шаардлагыг чанд мөрдөн, үйл ажиллагаагаа тасралтгүй сайжруулан ажиллах болно.
Таны хүүхдийн мартагдашгүй нэгэн дурсамжийг Галаксичууд бид бүтээж өгөх болно.
Та бүхэнд эрүүл энх, аз жаргал, сайн сайхан бүхнийг хүсэн ерөөе.
Зуслангийн танилцуулга
Галакси хүүхдийн зуслан нь 2008 онд Ерөнхий боловсролын Галакси сургуулийн харьяа хүүхдийн зуслан болон байгуулагдаж, хүүхэд бүрийг эрүүл, аюулгүй орчинд амарч, хөгжих боломжийг бүрдүүлэх эрхэм зорилготойгоор үйл ажиллагаагаа эхлүүлсэн.
Өнөөдөр бид 18 жилийн турш тасралтгүй хөгжиж, хүүхдийн зуслангийн салбарт чанар, аюулгүй байдал, хөгжлийн үйлчилгээгээрээ үлгэр жишээ байгууллага болон ажиллаж байна. Анхны ээлжээ ердөө 10 хүүхэдтэйгээр эхлүүлж байсан бол өнөөдөр нэг ээлжинд 320 хүүхэд хүлээн авах хүчин чадалтай, 9 амрах байртай орчин үеийн хүүхдийн зуслан болон өргөжин хөгжжээ.
Манай зуслангийн бүтээн байгуулалт нь хамт олны хичээл зүтгэл, тууштай хөдөлмөрийн үр дүн бөгөөд өнөөдрийн өнгө төрхийг бүрдүүлсэн ширхэг тоосго бүрийг өөрсдийн хүч хөдөлмөрөөр бүтээн босгож, хүүхэд бүрийн тав тух, аюулгүй байдал, хөгжлийг эрхэмлэсэн орчныг бий болгосон нь бидний хамгийн том бахархал билээ.
Бид хүүхэд бүрийн нас, сэтгэхүй, хөгжлийн онцлогт тохирсон хүмүүжил, хөгжлийн арга зүйг хэрэгжүүлдэг. Ээлж бүрийг насны ангилалд нийцүүлэн зохион байгуулж, хүүхдийн бие даах чадвар, хамтран ажиллах, манлайлах ур чадвар, бүтээлч сэтгэлгээ, зөв хандлагыг төлөвшүүлэхэд чиглэсэн хөтөлбөрүүдийг хэрэгжүүлдэг.
Ээлж бүр давтагдашгүй, өөр өөр агуулга бүхий хөгжлийн хөтөлбөртэй бөгөөд спорт, урлаг, танин мэдэхүй, адал явдалт тоглоом, багийн ажиллагаа, ур чадвар хөгжүүлэх сургалт, авьяас чадварын арга хэмжээ зэрэг олон талт үйл ажиллагааг хүүхдийн насанд тохируулан зохион байгуулдаг. Ингэснээр хүүхэд бүр шинэ мэдлэг, шинэ найз нөхөд, шинэ туршлага хуримтлуулан, өөртөө итгэх итгэлээ нэмэгдүүлдэг.
Хүүхдийн эрүүл өсөлт хөгжилд шаардлагатай шим тэжээлийг хангасан, эрүүл ахуйн шаардлагад нийцсэн амт чанартай хоолыг мэргэжлийн тогооч нар өдөр бүр шинэхэн хүнсээр бэлтгэн үйлчилдэг. Мөн эмч, ахлах багш, бүлгийн удирдагч баг нарын 24 цагийн хяналт, халамж дор хүүхэд бүрийн аюулгүй байдал, эрүүл мэндийг хамгаалан ажилладаг.
Манай зуслан MNS 5633:2023 “Хүүхдийн зуслангийн үйлчилгээ. Ерөнхий шаардлага” стандартыг нэвтрүүлсэн Монгол Улсын хамгийн анхны хүүхдийн зуслан бөгөөд үйл ажиллагааныхаа чанар, менежмент, хүүхдэд ээлтэй орчин, бүтээн байгуулалтаараа:
Нийслэлийн “Шилдэг хүүхдийн зуслан” – 3 удаа
“Хүүхдэд ээлтэй зуслан” – 2 удаа
“Шилдэг хөрөнгө оруулалттай зуслан” – 2 удаа
“Шилдэг менежменттэй зуслан” зэрэг нэр хүндтэй шагналуудыг хүртсэн.
Бидний эрхэм зорилго бол хүүхэд бүрийг байгальд ойр, аюулгүй, аз жаргалтай орчинд амраахаас гадна бие даах чадвар, зөв хандлага, амьдрах ухаан, нөхөрлөлийг төлөвшүүлж, мартагдашгүй дурсамж бүтээхэд оршино. Өнгөрсөн 18 жилийн туршлага, бүтээн байгуулалт, чанарын удирдлагад тулгуурлан бид хүүхэд төвтэй, тогтвортой хөгжлийг эрхэмлэсэн үйл ажиллагаагаа улам боловсронгуй болгож ажиллах болно.
Эрхэм зорилго
Бид юунд хамгийн их анхаарал хандуулдаг вэ?
"Хүүхэд бүрийг аюулгүй, эрүүл, хөгжлийг дэмжсэн орчинд амрааж, бие даах чадвар, хамтран ажиллах дадал, зөв төлөвшилийг бий болгож, эх орон, байгаль орчин, бие биенээ хайрлаж, хүндлэх үзлийг төлөвшүүлэхэд оршино."
Алсын хараа
Хүрэхийг хүсэж буй ирээдүй
"Амрагч бүрийн хөгжил, төлөвшил, авьяас чадварыг дэмжиж, Олон Улсын жишигт нийцсэн аюулгүй хөгжих орчинг бүрдүүлж үлгэр жишээ хүүхдийн зуслан болно."
Үнэт зүйлс
Бидний баримталдаг гол үнэт зүйлс
- Нөхөрлөл
- Хариуцлага
- Чадвар
- Зөв дадал
- Ёс суртахуун
Байгаль орчны бодлого
Байгальтай зохистой харьцах журам
Манай хүүхдийн зуслан нь байгаль орчныг хамгаалах, байгалийн нөөцийг зүй зохистой ашиглах, хүүхэд ба ажилтнуудад байгальд ээлтэй дадал хэвшлийг төлөвшүүлэхийг үйл ажиллагааныхаа салшгүй хэсэг гэж үздэг.
Үүний хүрээнд бид:
Монгол Улсын байгаль орчны тухай хууль тогтоомж, холбогдох дүрэм, журмыг мөрдөн ажиллана.
Ус, цахилгаан, дулаан болон бусад нөөцийг хэмнэлттэй, үр ашигтай ашиглана.
Хог хаягдлыг эх үүсвэр дээр нь ангилан ялгаж, дахин ашиглах, дахин боловсруулах боломжийг нэмэгдүүлнэ.
Хөрс, ус, агаарын бохирдлоос урьдчилан сэргийлэх арга хэмжээг тогтмол хэрэгжүүлнэ.
Ногоон байгууламжийг хамгаалах, мод тарих, тохижилтыг нэмэгдүүлэх ажлыг дэмжин ажиллана.
Байгаль орчны эрсдэлийг үнэлж, сөрөг нөлөөллийг бууруулах арга хэмжээг төлөвлөж хэрэгжүүлнэ.
Хүүхэд, ажилтан бүрийн байгаль хамгаалах мэдлэг, хандлагыг дээшлүүлэх сургалт, нөлөөллийн үйл ажиллагааг тогтмол зохион байгуулна.
Байгаль орчны гүйцэтгэлээ тогтмол үнэлж, тасралтгүй сайжруулах зарчмыг баримтална.
Бид хүүхэд бүрийг байгальд ээлтэй, хариуцлагатай иргэн болгон төлөвшүүлэхэд хувь нэмэр оруулж, эрүүл, цэвэр, аюулгүй орчныг бүрдүүлэхийн төлөө тууштай ажиллана.
Чанарын бодлого
Үйлчилгээний чанарын баталгаа
Манай хүүхдийн зуслан нь хүүхэд бүрийн аюулгүй байдал, эрүүл мэнд, эрхийг дээдлэн хамгаалж, тэдний нас, сэтгэхүй, хөгжлийн онцлогт тохирсон чанартай үйлчилгээ үзүүлэхийг эрхэм зорилгоо болгоно.
Үүний хүрээнд бид:
Хүүхдийн эрх, аюулгүй байдал, эрүүл ахуйн шаардлагыг чанд мөрдөн ажиллана.
Эрүүл, аюулгүй орчин бүрдүүлж, осол гэмтэл, эрсдэлээс урьдчилан сэргийлнэ.
Мэргэжлийн ур чадвартай ажилтан, багш, эмч, тогооч болон бусад ажилтнуудын мэдлэг, ур чадварыг тогтмол дээшлүүлнэ.
Хүүхдийн бие бялдар, оюун ухаан, авьяас чадварыг хөгжүүлэх чанартай хөтөлбөр хэрэгжүүлнэ.
Эцэг эх, асран хамгаалагчийн санал хүсэлтийг хүлээн авч, үйл ажиллагаагаа тасралтгүй сайжруулна.
Монгол Улсын холбогдох хууль тогтоомж, стандарт, дүрэм журам болон байгууллагын дотоод журам, чанарын удирдлагын шаардлагыг мөрдөнө.
Үйлчилгээний чанарыг тогтмол үнэлж, сайжруулах арга хэмжээг төлөвлөн хэрэгжүүлнэ.
Стандарт / Гэрчилгээ
Бид дараах стандартыг мөрдөнө
- ISO 9001:2015 / MNS ISO 9001:2016
Бүлгүүд
Авангард
Манай зуслангийн Авангард бүлэг нь бяцхан амрагчиддаа зориулсан бүлэг юм.
Цоглог
Манай зуслангийн Цоглог бүлэг нь бяцхан амрагчиддаа зориулсан бүлэг юм.
Ирээдүй
Манай зуслангийн Ирээдүй бүлэг нь бүх насны амрагчиддаа зориулсан бүлэг юм.
Марс
Манай зуслангийн Марс бүлэг нь бүх насны амрагчиддаа зориулсан бүлэг юм.
Ертөнц
Манай зуслангийн Ертөнц бүлэг нь бүх насны амрагчиддаа зориулсан бүлэг юм.
Старс
Манай зуслангийн Старс бүлэг нь бүх насны амрагчиддаа зориулсан бүлэг юм.
Нова
Манай зуслангийн Нова бүлэг нь бүх насны амрагчиддаа зориулсан бүлэг юм.
Аврора
Манай зуслангийн Аврора бүлэг нь бүх насны амрагчиддаа зориулсан бүлэг юм.
Адреналин
Манай зуслангийн Адерналин бүлэг нь бүх насны амрагчиддаа зориулсан бүлэг юм.
Зуслангийн түүх
Мартагдашгүй дурсамжаа бүтээсэн он жилүүд
2008-2026
Манай зуслан 2008 онд Ерөнхий боловсролын Галакси сургуулийн харьяа хүүхдийн зуслан болон байгуулагдаж, хүүхэд багачуудын эрүүл, аюулгүй орчинд амарч, хөгжих боломжийг бүрдүүлэх эрхэм зорилготойгоор үйл ажиллагаагаа эхлүүлсэн. Өнөөдөр бид 18 жилийн турш тасралтгүй хөгжиж, тасралтгүй үйл ажиллагаа явуулсан түүхээ бүтээж байна.
Анхны жилдээ бид өөрсдийн бүтээн байгуулалтыг эхлүүлж, анхны амрах байраа ашиглалтад оруулан ердөө 10 хүүхэдтэйгээр эхний ээлжээ хүлээн авч байлаа. Тэр үеэс хойш хийсэн бүтээн байгуулалт, хөгжлийн алхам бүр бидний хамтын хөдөлмөр, чин сэтгэлийн үр шим байсан юм. Өнөөдрийн өнгө төрхийг бий болгох хүртэлх бүтээн байгуулалтын ажилд орсон ширхэг тоосго бүрийг өөрсдийн гараар өрж, бүтээсэн нь манай хамт олны хамгийн том бахархал билээ.
Тасралтгүй хөгжиж, үйл ажиллагаагаа өргөжүүлсний үр дүнд өнөөдөр манай зуслан 9 амрах байртай, нэг ээлжинд 320 хүүхэд хүлээн авах хүчин чадалтай болж, жил бүр олон зуун хүүхдэд чанартай, аюулгүй, хөгжлийг дэмжсэн үйлчилгээ үзүүлж байна.
Өнгөрсөн 18 жилийн хугацаанд манай зуслан хүүхдийн зуслангийн үйлчилгээний чанарыг шинэ түвшинд хүргэхийн төлөө тууштай ажиллаж, MNS 5633:2023 “Хүүхдийн зуслангийн үйлчилгээ. Ерөнхий шаардлага” стандартыг нэвтрүүлсэн Монгол Улсын хамгийн анхны хүүхдийн зуслан болсон. Мөн үйл ажиллагааны чанар, менежмент, хүүхдэд ээлтэй орчин, бүтээн байгуулалтаараа Нийслэлийн “Шилдэг хүүхдийн зуслан”-аар 3 удаа, “Хүүхдэд ээлтэй зуслан”-аар 2 удаа, “Шилдэг хөрөнгө оруулалттай зуслан”-аар 2 удаа, “Шилдэг менежменттэй зуслан”-аар тус тус шалгарсан нь бидний хамтын хөдөлмөрийн бодит үр дүн юм.
Өнгөрсөн 18 жил бидний бахархал байсан бол, ирэх жилүүд хүүхэд бүрийн хөгжил, аюулгүй байдал, аз жаргалын төлөөх бидний шинэ амжилтын түүх байх болно.
Байршил
Галакси хүүхдийн зуслан хаана байрладаг вэ
Улаанбаатарт хот, Баянзүрх дүүрэг, Гачуурт, Баяндөхөмийн ам
Гарын авлага
НЭГ. НИЙТЛЭГ ҮНДЭСЛЭЛ
1.1. Энэхүү журам нь зусланд амарч буй хүүхдүүдийн аюулгүй байдал, эрүүл мэнд, эрх ашгийг хамгаалах, хүмүүжил төлөвшлийг дэмжих зорилготой.
1.2. Зусланд амарч буй хүүхэд, багш, хүмүүжүүлэгч, ажилтан бүр энэхүү журмыг мөрдөнө.
1.3. Хүүхэд бүр бусдыг хүндэтгэн, хамт олны дунд зөв боловсон харилцана.
ХОЁР. ХҮҮХДИЙН ЭРХ
2.1. Аюулгүй, эрүүл орчинд амрах.
2.2. Өөрийн үзэл бодлоо чөлөөтэй илэрхийлэх.
2.3. Тоглох, суралцах, хөгжих үйл ажиллагаанд оролцох.
2.4. Эрүүл мэндийн тусламж үйлчилгээ авах.
2.5. Хүчирхийлэл, дарамт, ялгаварлан гадуурхалтаас хамгаалуулах.
ГУРАВ. ХҮҮХДИЙН ҮҮРЭГ
3.1. Зуслангийн дүрэм, өдөр тутмын хуваарийг мөрдөх.
3.2. Багш, хүмүүжүүлэгчийн өгсөн зааврыг биелүүлэх.
3.3. Өөрийн болон бусдын аюулгүй байдлыг хүндэтгэх.
3.4. Байгаль орчин, зуслангийн эд хөрөнгийг хамгаалах.
3.5. Бусад хүүхэдтэй эв найртай харилцах.
ДӨРӨВ. АЮУЛГҮЙ БАЙДЛЫН ЖУРАМ
4.1. Зөвшөөрөлгүйгээр зуслангийн нутаг дэвсгэрээс гарахыг хориглоно.
4.2. Өвдөх, бэртэх, эрсдэлтэй нөхцөл үүссэн тохиолдолд нэн даруй багшид мэдэгдэнэ.
4.3. Гал түймэр, ослын үед ажилтны зааврыг ягштал мөрдөнө.
4.4. Аюултай эд зүйл (хутга, асаагуур, тэсэрч дэлбэрэх зүйл гэх мэт) авчрахыг хориглоно.
ТАВ. ЭРҮҮЛ АХУЙН ЖУРАМ
5.1. Өдөр бүр хувийн ариун цэврээ сахина.
5.2. Хоолны өмнө болон ариун цэврийн өрөө орсны дараа гараа угаана.
5.3. Эм, эмчилгээний хэрэгслийг зөвхөн эмч, багшийн хяналтаар хэрэглэнэ.
5.4. Хоол хүнсийг зориулалтын бус газарт хадгалахгүй.
ЗУРГАА. ХАРИЛЦАА, ЁС ЗҮЙН ЖУРАМ
6.1. Бие биетэйгээ хүндэтгэлтэй харилцана.
6.2. Зодолдох, доромжлох, дээрэлхэх, ялгаварлан гадуурхахыг хориглоно.
6.3. Бусдын эд зүйлд зөвшөөрөлгүй хүрэхгүй.
6.4. Хамтын ажиллагаа, нөхөрлөлийг эрхэмлэнэ.
ДОЛОО. БАЙГАЛЬ ОРЧИН, ЭД ХӨРӨНГӨ ХАМГААЛАХ
7.1. Хог хаягдлыг зориулалтын саванд хийнэ.
7.2. Мод, ургамал гэмтээхгүй.
7.3. Зуслангийн барилга байгууламж, тоног төхөөрөмжийг эвдэж гэмтээхгүй.
НАЙМ. ШАГНАЛ, ХАРИУЦЛАГА
8.1. Журмыг сайн мөрдөж, бусдад үлгэр дуурайл үзүүлсэн хүүхдийг урамшуулна.
8.2. Журам зөрчсөн тохиолдолд сануулах, эцэг эхэд мэдэгдэх, шаардлагатай бол зуслангийн удирдлагын шийдвэрээр арга хэмжээ авна.
Зусланд амрах хугацаанд хориглох зүйлс
Зуслангийн захиргаа, багш, хүмүүжүүлэгчийн зөвшөөрөлгүйгээр зуслангийн нутаг дэвсгэрээс гарах.
Бусдын эд зүйлд зөвшөөрөлгүй хүрэх, ашиглах, авах.
Зодолдох, бусдыг дээрэлхэх, доромжлох, ялгаварлан гадуурхах.
Хутга, зэвсэг, тэсэрч дэлбэрэх болон бусдад аюул учруулж болзошгүй эд зүйл авчрах, ашиглах.
Гал асаах, ил гал хэрэглэх, галын аюулгүй байдлын дүрэм зөрчих.
Тамхи, согтууруулах ундаа, мансууруулах бодис хэрэглэх, хадгалах, бусдад дамжуулах.
Эмийг эмч, багшийн зөвшөөрөлгүйгээр хэрэглэх.
Зуслангийн эд хөрөнгө, тоног төхөөрөмжийг санаатайгаар эвдэх, гэмтээх.
Гар утас ашиглах
Хог хаях, байгаль орчныг бохирдуулах, мод ургамал гэмтээх.
Шөнийн тогтоосон цагийн дараа өрөө, байрнаасаа зөвшөөрөлгүй гарах.
Зусланд ирэхдээ зуслангаас гаргасан эрүүл мэндийн үзлэгийн хуудсыг бөглүүлж ирсэн байх.
Хувцас хэрэглэл
Өдөр тутмын өмсөх хувцас (5–7 хоногийн хэрэгцээнд тохируулан)
Дулаан цамц, хүрэм
Борооны цув
Спорт хувцас
Унтлагын хувцас
Дотуур хувцас, оймс
Малгай
Пүүз болон углааш
Цагаан хэрэглэл
Ариун цэврийн хэрэгсэл
Шүдний сойз, оо
Саван
Алчуур
Сам
Ариун цэврийн цаас
Нойтон болон хуурай салфетка
Нарны тос
Эрүүл мэндийн хэрэгсэл
Эмчийн заавартай тогтмол хэрэглэдэг эм
Маск, ариутгагч (шаардлагатай бол)
Эрүүл мэндийн хуудас
Бусад
Усны сав
Жижиг үүргэвч
Гар чийдэн
Угаалгын уут
Авахгүй байх зүйлс
Үнэт эдлэл
Хутга болон аюултай эд зүйл
Тамхи, согтууруулах ундаа
Сэтгэгдэл
Сэтгэгдэл бичих болон үнэлгээ өгөхийн тулд эхлээд нэвтэрнэ үү.
Уншиж байна...