Жавхлант зуслан

ЭРХЭМ ЗОРИЛГО

Хүүхэд бүрийн бие бялдар, оюун ухаан, авьяас чадвар, нийгмийн харилцааг цогцоор нь хөгжүүлэх, эх орон, байгаль дэлхийгээ хайрлан хамгаалах үзэл төлөвшүүлэх, бие даах чадвар, зөв хандлага, хамтран ажиллах дадлыг эзэмшүүлсэн аюулгүй, эрүүл, аз жаргалтай орчныг бүрдүүлэн хүүхэд насны нандин дурсамжийг хамтдаа бүтээхэд оршино.

АЛСЫН ХАРАА

Монгол Улсын хүүхэд, өсвөр үеийнхний хөгжил, хүмүүжил, төлөвшлийг дэмжсэн тэргүүлэгч зуслан байж, байгальд түшиглэсэн боловсрол, спорт, урлаг, манлайллын хөтөлбөрөөр дамжуулан эх оронч, бүтээлч, зөв төлөвшилтэй иргэдийг бэлтгэх үндэсний хэмжээний хүүхдийн хөгжлийн төв болон хөгжих.

БАЙГАЛЬ ОРЧНЫ БОДЛОГО

Жавхлант хүүхдийн зуслан нь байгаль орчныг хамгаалах, байгалийн нөөцийг зүй зохистой ашиглах, хүүхэд багачуудын экологийн боловсролыг дээшлүүлэхийг үйл ажиллагааныхаа салшгүй хэсэг болгон хэрэгжүүлнэ.

Бид:

• Байгаль орчны хууль тогтоомж, холбогдох дүрэм журмыг чанд мөрдөж ажиллах;

• Хог хаягдлыг ангилан ялгах, дахин ашиглах, дахин боловсруулах дадлыг хэвшүүлэх;

• Ус, цахилгаан болон бусад нөөцийн хэрэглээг хэмнэлттэй, үр ашигтай байлгах;

• Ногоон байгууламжийг хамгаалах, нөхөн сэргээх, мод бут тарих ажлыг тогтмол зохион байгуулах;

• Хүүхэд бүрт байгаль орчноо хайрлан хамгаалах ухамсар, зөв хандлага төлөвшүүлэх сургалт, үйл ажиллагааг хэрэгжүүлэх;

• Аялал, арга хэмжээний үед байгальд сөрөг нөлөө үзүүлэхээс урьдчилан сэргийлэх;

• Цэвэр, эрүүл, аюулгүй орчныг бүрдүүлэхэд ажилтан, хүүхэд, эцэг эхчүүдийн оролцоог дэмжин ажиллахыг эрхэмлэнэ.

Жавхлант хүүхдийн зуслан нь байгаль орчинд ээлтэй үйл ажиллагааг тогтвортой хэрэгжүүлж, ирээдүй хойч үедээ цэвэр, ногоон орчныг өвлүүлэн үлдээхэд хувь нэмрээ оруулна.

ЧАНАРЫН БОДЛОГО

Жавхлант хүүхдийн зуслан нь хүүхэд бүрийн аюулгүй байдал, эрүүл мэнд, хөгжил, хүмүүжлийг үйл ажиллагааныхаа үндсэн зарчим болгон ажиллана.

Бид:

• Хүүхэд хамгаалал, аюулгүй байдлын стандартыг чанд мөрдөж ажиллах;

• Эрүүл ахуй, хоол хүнсний чанар, үйлчилгээний найдвартай байдлыг тогтмол хангах;

• Урлаг, спорт, танин мэдэхүйн хөтөлбөрүүдийг чанартай, хүртээмжтэй зохион байгуулах;

• Мэргэжлийн ур чадвартай багш, ажилтнуудыг тасралтгүй хөгжүүлэх;

• Эцэг эх, асран хамгаалагчдын санал хүсэлтэд тулгуурлан үйл ажиллагаагаа тогтмол сайжруулах;

• Байгаль орчинд ээлтэй, хүүхэд хөгжих таатай орчныг бүрдүүлэх;

• Хүүхэд бүрт хүндэтгэлтэй, тэгш хүртээмжтэй үйлчилгээ үзүүлэхийг эрхэмлэнэ.

Бид чанарын удирдлагын зарчмыг хэрэгжүүлж, хүүхэд бүрийн аз жаргалтай, аюулгүй, үр өгөөжтэй амралтыг хангахын төлөө тасралтгүй сайжруулалт хийж ажиллана.